ලන්ඩන් වල ඉන්න ශ්‍රී ලාංකිකයන් තමන්ට අතහැරුණු, අල්ලගන්න බැරි හෝ ගලපා ගන්න බැරි සංස්කෘතික ජීවිතයත් එක්ක පෙනෙන, නොපෙනෙන අරගලයක් තියනවා. ලන්ඩනය වගේ ලෝක සංස්කෘතික කේන්ද්‍රයක ජිවත් උනත් අපි තාමත් උත්සහ කරන්නේ අපේකම් උඩ දමමින් අපි කැමති, අපට පහසු අපේම කවයන් ඇතුලේ සුවපහසුව ජීවත්වෙන්න. ලන්ඩනයේ මිලියන ගණනක් මිනිසුන් අතර අපි හුදකලා වෙලා යැයි ඔබත් හිතනවද ? එසේනම් අපි තදින් වසා ඇති අපේ සංස්කෘතික කවුළු අරිමු. එවිට අපිට නුහුරු, නුපුරුදු, නැවුම් අගෝරා සංස්කෘතික සුළග කවුළු අතරින් අපේ ජිවිත වලට එබී බලන හැටි විදින්න අපට හැකිවේවි.
ජීවත්වෙනවා කියන්නේ ශරීර කූඩු සුවපහසු ලෙස නඩත්තු කරනවාට වඩා යමක් බව වටහාගත්
ලන්ඩන්වල සිටින මිනිසුන් සහ ගැහැනුන් කිහිප දෙනෙක්ගේ සාමුහික උත්සහයකින් තමයි අගෝරා සංස්කෘතික කවය බිහිවෙන්නේ. අගෝරා ශක්තිමත් වෙලා තියෙන්නේ මිනිසුන් සමග ඇතිකරගත් ඉතා සරල එහෙත් තීරණාත්මක කොන්දේසි සමුහයකින්. ඒ තමයි විවිධ ආගම්, ජාති හෝ ගෝත්‍රික සිතළු වලින් තොරව කලාව තුලින් මනුෂත්වය අත්විදීම. වාර්ගික සමගිය නම්වූ සබන්බෝල වැඩ කිඩ වලට එහා ගිහිං මිනිසුන් සතු සංස්කෘතික විවිධත්වයන් වින්දනය කිරීමට පුරුදු වීම නොහොත් ඒ සදහා මගපෙන්විමටයි අගෝරා අපි මහන්සි වෙන්නේ. මේ මහන්සිය කියන්නෙම ගැටුමක්. ඒත් බොහෝ දේවල් ගැටී අලුත් දේවල් බිහිවේවි.
ගැටුම්
යනු නරක හෝ අභව්‍ය දෙයක් නෙවෙයි. ලෝකයේ මනුෂ්‍ය ශිෂ්ටාචාරය ඉදිරියට ගමන් කලේ
සහ කරමින් සිටින්නේ ගැටුම් වලින් අනතුරුව ඉතිරුවන අළුදූලි සහ අත්දැකීම්
සමගින්. සැබවින්ම සංස්කෘතිය කියන්නෙම මිනිස් ජිවිතේ ගැටීම වල අතුරු එලයක්.
එහෙත් වර්තමානයේ පාරිභෝගික ද්‍රව්‍ය සහ මනුස්සකම් අතර සීමාව කුඩා වෙමින්
මානුෂික මිනිසා පාරිභෝගික මිනිසෙක් දක්වා විතැන් වෙද්දී අපි බොහෝ දෙනෙක්
කැමති අපට සුව පහසු නවාතැන් වල දොරගුළු වසා, දමා දැහැමෙන් සෙමෙන් කාලය කා
දැමීමටයි. මෙය මිනිසා ඉදිරියේ ඇති සංස්කෘතික අභියෝගයක්.
සැප්තැම්බර් 26 වෙනිදාට අපි පවත්වන "අගෝරා සංස්කෘතික උළෙල" කියන්නෙම
මේ සංස්කෘතික ගැටුමෙ ප්‍රතිඵලයක් කියලා කවුරුහරි ප්‍රකාශකරනවනම් ඒක
අසත්‍යයක් නෙවෙයි. හැබැයි ඒකට දක්වන
ප්‍රතිචාරය සාධනීය නම් ගැටුමක් කියන්නේ නරක දෙයක් නෙවෙයි. සැප්තැම්බර් 26 දා මේ ගැන යම් කතාබහක් ගොඩනගාගන්න අපි උත්සාහ කරමු. එදාට, ඒකියන්නෙ සැප්තැම්බර් 26 වෙනිදාට වසර පහලවකට පමණ පසු ලංකාවේ වේදිකා නාට්‍යක් ලන්ඩන් වලට එනවා.
ඒ තමයි විජිත ගුණරත්නගේ "යුද පිටියේ සවාරියක්" මේක සම්ප්‍රදායික නාට්‍ය
අත්දැකීමකට වඩා වෙනස් අත්දැකීමක්. ඒ වගේම රත්න ශ්‍රී විජේසිංහ නම්වූ ගීත
රචකයා හා විචාරකයා සමග සංගීත කතාබහක් කරන්නත් නියමිතයි. මේ සියල්ල ගැන විස්තර ඉදිරි
කලාප වලිදි කතා බහ කරමු.
එතෙක් සැප්තැම්බර් 26 දිනය මතක තබා ගන්න. මේ සියල්ල ඔබට ලැබෙන්නේ නොමිලේ. මන්ද අපි කරන්නේ සංස්කෘතික පර්යේෂණයක් මිස ගනුදෙන්වක් නොවන නිසා !!!!!
"අගෝරා
අපි" අපිව හදුන්වගන්න කැමති ආකල්ප වින්දනයට විකල්පයක් සොයන සංස්කෘතික
කවයක් ලෙසටයි. විකල්පයක් වෙනුවෙන් උඩුගං බලා යෑමේ අසීරුව පිළිබද අවබෝදයක්
තියෙන අපි, බිදෙන් බිද
